<?xml version="1.0" encoding="UTF-8"?><song><hymn_number>15</hymn_number>
<title>Avia hankalaza FFPM15</title>
<lyrics>[V1]
 Avia hankalaza
 Ny Tompo lehibe,
 Fa feno hery, haja,
 Jehovah Masina e
 Andeha mitambara,
 Ry vazan-tany ô !
 Miankohofa tsara
 Hanaja Azy izao.

[V2]
 Ry Tomponay Tsitoha
 Indreto izahay,
 Manondrika ny loha,
 Midera Anao, ry Ray
 Ny fonay sy ny hery,
 Fanahy, saina koa,
 Omena Anao irery,
 Ka anjakao tokoa.

[V3]
 Mpanjaka tena hendry
 Hianao, ry Tomponay,
 Ka tena mahakendry
 Izay hahasoa anay ;
 Na misy toa mangidy
 Ny fitondranao soa
 Ny saina sy safidy
 Manaiky Anao tokoa.

[V4]
 Manerana ny tany
 Izao ny lazanao,
 Ka be tsy hita lany
 Ny voninahitrao ;
 Koa hira fiderana
 Ventesinay izao
 Haleloia, Hosana !
 Mba raiso ho Anao.</lyrics>
</song>